Take It Gracefully

Pwes, Cycle 12 nako sa America's Next Top Model hosted by supermodel Tyra Banks. Pasensya na kay mao ni akong gikabuangan 'rong mga panahona, busa mapubungog gyud mo og update about sa ATM. Pakkk! Bitaw, dili man kaayo ni lig-on nga batch, compared sa mga milabay na nga cycles sa ATM. Anyway, before ko milakaw kagahapon, ang latest nga natangtang mao ang street preacher nga si London, 18 years old. Gwapa siya uy, ang comment gani ni Tyra niya permi kay panagsa ra gyud ka makakita og model nga mapahiyuman matud pa ang mga mata. Pero nagkadugay, nagkadako pud ang lawas ni London uy, which i think usa gyud to sa dakong rason nganong natangtang siya. Ingon ang usa ka judeg nga si legendary supermodel Paulina Porizkova, hayan naay future si London sa pelikula, ilabi na nga siya maoy midaog sa acting challenge. Pero ingon pud si Paulina, dili pang model ang nawong ni London. Pwes kutob ra si London sa top 7, busa siya maoy nahibilin sa New York, kay ang top 6 raman ang gipalupad sa Sao Paulo, Brazil aron didto sila magtiwas.

Ug sa pagpanamilit na ni London, didto ko nahugyaw. Niya pa: " I thought I'm gonna be mad with God by the time I'm eliminated but I'm not." Nakapamulong siya og ingon adto dear OkRyanians kay sa usa sa mga episodes miingon man siya nga 110% gyud matud pa ang iyang passion alang sa maong search, sama ka passionate sa iyang pagsimba ug pagsalig sa Ginoo. Nahugyaw ko kay sayud ko nga ikaw ug ako naay mga higayon sa atong kinabuhi nga sa panahon nga mapalpak ta pag-angkon sa atong gitinguha ug giampo ngadto sa Ginoo, makahunahuna ta og dili mao. Muingon gyud dayon ta nga, og Lord ngano man nga perte man nako nga ampo, nagbinut-an manko? Nganong kana hinuong mga dautan diha, giswerte man og maayo? Pakkk!

I'm sure katong mikabat og P700 Million ang premyo sa lotto, daghan ang nagyawyaw sa hilom ngadto sa Ginoo nganong dili sila maoy gipadaog nga perte man nilang ampo, nagpamisa pa gani sila. Pakkk! Ako kay hapit na gyud ko mutaya unta ato, (dili ko tigtaya kay dili ko kamao unsaon), busa Lunes sa buntag, I told God : Lord if dili ni madaog karong gabii mutaya na gyud ko ugma kay buot pasabot para ako gyud tingali ni. Hahaha. Nya kay naa may midaog? Pwes dili to para akoa, dili pud to para inyoha. Pakkk!

But really naa gyuy mga panahon sa atong kinabuhi nga muhilak ta og binaril tungod sa kadismaya, kasakit, kalagot. Ako mismo had a career setback three years ago, i really thought mao na gyud to ang bunga sa dugay na nakong mga pag-ampo. Pero something happened along the way, and wala ko mahinayon. As in duha gyud to ka major breaks unta that would have made a great difference sa akong career. Yes, I cried. I asked God why, oh why? But then wala sad miabot sa point nga ako siyang gibasul, almost lang. Pakkk!  

Pero since then, i never plan na my career path. Since then, ang akong baruganan is, "Thy will be done." Lisud gyud magplano ka, because bisan og mag-unsa pa ka kung dili na maoy plano sa Ginoo para nimo, it will never and never be. Maong ako giganahan gyud ko ni London kay she took the judgement gracefully, mapahiyoman pa gyud. She was very positive about what happened. Tungod kay again and again, ang tinuod dear OkRyanians is that kung mapalpak ka o mapakyas ka, wala na magpasabot nga bala kaayo ka, or wala ka dungga sa Ginoo. It only means, He has prepared something bigger and better for you. Trust me, kay daghan kaayong miabot nga blessings sa akong kinabuhi nga makaingon gyud ko og, mao diay wala to mahitabo or wala to ma akoa, kay mas nindot pa man ni nga oppportunity. Pwes, "whatever will be, will be!' Pakpak!

“Miracle Cloth”

For sure,ubay-ubay na ninyo ang nakahupot sa “Miracle Cloth” gikan ni Madam Lily Go Dequito. Kini tungod kay sukad namantala ang istorya niini, sa Tingusbawan (sa page5 niining Banat News) niadtong Lunes, wala nay puas ang mitekang diri’s office aron mangayo sa maong “gasa.”

As in nahugyaw gyud ko kay niadtong Martes sa hapon, diha gyuy miari diri nga gikan pa gyud sa Mantalongon, Dalaguete. Layo-layo pud gyud iyang byahi. Adto pung Lunes sa hapon, diha puy duha nga gikan sa Danao, City, diin nila pa  ala una sila nakabasa og Banat News, ug damtan og duha ka oras, diri na silas opisina nagtikaw-tikaw. Diha puy mga taga Talisay, Carcar, Naga ug daghan pa, nga nangayo pud og ilang ipadala sa ilang mga kabanay sa Leyte ug Negros.

                Karon duna lang koy gamay nga katin-awan ha. Diha man gud toy taga Lapulapu man tingali to nga miingon nga isagol matud pa nila ang miracle cloth sa lana aron himuong haplas. Diha pud toy naghisgot nga butangan matud pa nila og tubig ang cloth aron ilang mainom para sa internal ailment. Pwes, ang reaksyon ni Madam Lily nga nahinabi nako last Monday night mao ni: “Ayaw uy. Mao bitaw na nga gitawag og miracle kay dili na kinahanglan og lana Hugaw pa lang ang tubig, kita maoy mapasanginlan hinuon. Ipatong ra gyud na siya sa unsay nagsakit.” Oh klaro na ha? Pakpak!

                Dear OkRyanians, sa mga nakadawat mao gyuy gibalik-balik na og ingon nga  pag-ampo gyud mo sa Ginoo nga mamaayo mo sa unsa man gani ang inyong balatian, ayaw mo pagsalig sa miracle cloth lang. Mao pud nay baruganan ni Madam Lily dear OkRyanians. Ang akong punto mao nga bisan pa og ipapilit na ninyo sa inyong lawas sulod sa 48 years, kung huyang ang inyong pagsalig ug pagtuo sa Ginoo dili gyud na mahupay inyong mga balatian. Okay?

                I suggest pangumpisal pud mo kay naa rabay mga balatian nga caused by our sinfulness. Yes mutuo gyud ko ana nga naay mga sakit nga hinatag sa yawa tungod kay naa man gyuy mga gutlo sa atong kinabuhi nga bation ta og kahaw-ang, feeling nato kapoy kaayo atong lawas ug wala tay gana sa kinabuhi. Suwayi og kumpisal ug puy-i ang maong gasa diha sa imong inadlaw-adlaw nga pagkinabuhi dib a bation ka og kahupay sa imong kasingkasing. Ako witness gyud ko ana kay kung mataod-taoran gani like five months nga dili ko ka kumpisal daghan kaayo ko og pamation sa lawas uy---maglabad akong ulo, sakit ako likod, dali rako hilantanon, maglisod ko og ginhawa. Bahala og dili mo mutuo, (pero mas maayo nga mutuo mo kay dili man gyud ko mamakak kutob sa mahimo..hehehe), basta kay ako daghan na kaayong higayon nga mukalit lang ko og kaayo inig kahuman og kumpisal. As in inig human gyud murag sabligan og bugnaw nga tubig akong nawong, unya panington ko, nya maayo dayon ko. Yehey!

                Speaking og mamaayo, kaduha na pud ko naayo sa miracle cloth. Permiro kay misugmat akong sinusitis og alas dos sa hapon, gisigi nako og patong ang cloth sa akong ilong, damtan og duha ka oras mi-arang-arang akong paminaw, ug pagka alas otso sa gabii nawala na. Diha puy nalunhat og maayo akong piang sa dughan liwas sa Sinulog naglisod na gyud ko og ginhawa, ping-ot pa gyud akong ilong---lain gyud kaayo akong paminaw. Hala ka, nakahinumdom ko sa cloth naa diay sa akong bulsa, akong gibutang sa akong dughan, wala ray five minutes nawala gyud akong sakit after ko gipaningot. As in ingon ato ka paspas. Pakpak!

                Pero dear OkRyanians kung dili man gani mo maayo sa una, ikaduha, ikatulo ngadto na sa ika-10 ka higayon ninyong gamit sa cloth, ayaw mo pagpakawala sa paglaom tungod kay gisukod ra sa Ginoo unsa ka lig-on ang imong pagtuo ug pagsalig diha Kaniya. Ug siguro, dili pa limpyo ang imong kasingkasing ug hunahuna, hinungdan walay nahitabo nimo. It’s all about your faith. It’s all about Thy will!